Шишмә районы башлығы 99 йәшлек Бөйөк Ватан һуғышы ветеранының хәлен белеште
Башҡортостандың Шишмә районында 99 йәшлек Бөйөк Ватан һуғышы ветераны Солтан Хаматғәли улы Хәйҙәров йәшәй.
Әле Солтан Хаматғәли улы Шишмә үҙәк район дауаханаһында планға ярашлы тикшереү үтә, район хакимиәте башлығы Ришат Мансуров оло йәштәге бабайҙың барып хәлен белде.
«Олпат йәштә һәм һуғыш ауырлыҡтарын кисереүенә ҡарамаҫтан, ул беҙгә сыҙамлыҡ өлгөһө булып тора. Быйыл беҙҙең йөҙйәшәр бер быуатлыҡ юбилейын ҡаршыларға, шулай уҡ Бөйөк Еңеүҙең 80 йыллығын да билдәләргә әҙерләнә. Хоҙай Солтан Хаматғәли улына һаулыҡ бирһен!», — тип яҙған Ришат Мансуров социаль селтәрҙәге сәхифәһендә.