23 ғинуарҙан Өфөнән Новосибирскиға авиарейстар арттырыла
Өфөнән Новосибирскиға авиарейстар арта. Баш ҡала аэропортының матбуғат хеҙмәтенән хәбәр итеүҙәренсә, 23 ғинуарҙа S7 Airlines авиакомпанияһы 78 пассажирға иҫәпләнгән Embraer ERJ-170 самолеттарында Новосибирск — Өфө — Новосибирск маршруты буйынса өҫтәмә рейстар аса.
Новосибирскиға тура рейстар көн һайын урындағы ваҡыт буйынса көндөҙгө сәғәт 3-тә һәм киске 9-ҙа башҡарыла.
Юлға 2 сәғәт 40 минут ваҡыт китә.