Өфөнән Фәриҙә Вәлиева 100 йәшен билдәләне
Өфөнөң Киров районында йәшәгән тыл эшсәне Фәриҙә Вәлиева бер быуатлыҡ юбилейын билдәләне. Хакимиәт башлығы Илвир Нурдәүләтов йөҙйәшәр инәйҙе өйөнә барып ҡотланы.
«Шундай ҡыйыу һәм сыҙамлы кешеләр быуыны улар. Фәриҙә Ғәбделғәлләм ҡыҙы ауыр тормош юлы үткән һәм йөҙ йәшкә еткән. Был оло хөрмәткә һәм һоҡланыуға лайыҡ. Ысын күңелдән ныҡлы һаулыҡ теләйем. Туғандарығыҙҙың һөйөүенә һәм хәстәрлегенә солғанып йәшәгеҙ, ә һәр яңы көн шатлыҡ килтерһен», - тип яҙа ул үҙенең телеграм-каналында.