Өфөнән популяр курортҡа тура рейстар асыла
17 ғинуарҙан Red Wings авиакомпанияһы «Өфө» аэропортынан Таиландтың популяр Пхукет курортына осоштар программаһын аса, тип хәбәр итә Башҡортостан Транспорт һәм юл хужалығы министрлығының матбуғат хеҙмәте.
Рейстар 10-11 көнгә бер тапҡыр 412 пассажир өсөн иҫәпләнгән Boeing 777-200 самолетында башҡарыла. Юлға 8 сәғәт 15 минут ваҡыт китә.
Шулай уҡ Azur Air авиакомпанияһы Пхукетҡа һәм Утапаоға (Паттайя курорты) тура рейстар башҡарыуын дауам итә.
Бынан алда «Башинформ» Белоретта киске электричка пассажирҙары өсөн автобус маршруты асылыуы тураһында яҙғайны.