Бөгөн "Торатау" конгресс-холында Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса советтың күсмә ултырышы үтә. Уның эшендә Башҡортостан Республикаһы Башлығы вазифаһын ваҡытлыса башҡарыусы Радий Хәбиров ҡатнаша.— Беҙ был осрашыуҙы көттөк һәм Советтың республикала эшләүенә бик шатбыҙ, — тине республика етәксеһе сарала ҡатнашыусыларҙы тәбрикләп.
Радий Фәрит улы республика етәкселеге эшендә асыҡлыҡҡа ынтылыуы, күп ултырыштарҙың “тура эфир”ҙа үтеүе хаҡында һөйләне. Быйыл тәүге кварталда республика етәксеһенең сайтына халыҡтан 13 700-ҙән ашыу мөрәжәғәт, һигеҙ меңдән ашыу рәсми хат килгән.