Баҡалылар данлыҡлы яҡташтарын онотмай, йылдар үтеү менән дә уларҙың исемдәрен ҡәҙерләп һаҡлай, иҫтәлектәрен яңырта.

Райондың үҫешенә ҙур өлөш индергән яҡташтары – Баҡалы районы партия комитетының беренсе секретары, РСФСР-ҙың Юғары Советы депутаты Мәсғүтйән Шакирйәновты әле лә улар ҙур хөрмәт менән иҫкә ала. Арҙаҡлы шәхестең 95 йыллығына арнап район мәҙәниәт йортонда үткәрелгән “Халыҡ хәтерендә” тип аталған кисәгә йәше-ҡарты ҙур теләк менән йыйылды. Үҙенең артынан яҡты эҙ, яҡташтары күңелендә бары йылы иҫтәлетәр ҡалдырған Бөйөк Ватан һуғышы ветераны һәм абруйлы шәхескә хөрмәт әле лә ҙур, исеме халыҡ теленән төшмәй.