“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған табиптарға матди ярҙам күрһәтеү саралары тураһында уйларға ҡушты.Радий Фәрит улы әйтеүенсә, ауылға эшкә ҡайтҡан табиптарға аҡсалата ярҙам төрҙәре бар, ә ҡалаларға килеүселәргә был ҡаралмаған. Ә ҡала дауаханалары һәм поликлиникаларында ла кадрҙар етмәү проблемаһы ҙур.
Төбәк башлығы һаулыҡ һаҡлау министры вазифаһын башҡарыусы Максим Забелинға яҡын арала медицинала кадрҙар мәсьәләһе буйынса доклад әҙерләргә ҡушты.
– Урындарҙа табиптарҙы йәлеп итеү – ентекле, даими һәм яуаплы хеҙмәт. Башлыҡтар кадрҙар мәсьәләһе менән шөғөлләнә икән, тимәк, проблема хәл ителә, – тине Радий Хәбиров.