Ҡаҙағстан Президенты Нурсолтан Назарбаев ил халҡына республика телеканалдары аша мөрәжәғәт менән сығыш яһаны.– Мин президент сифатында вәкәләттәремде туҡтатырға ҡарар иттем. Быйыл ошо юғары урынды биләүемә – 30 йыл. Һеҙ миңә ирекле Ҡаҙағстандың тәүге президенты булыу мөмкинлеген бирҙегеҙ, – тине ул халҡына.
Абруйлы етәксегә быйыл 79 йәш тула.
Назарбаев вәкәләтен һалһа ла, сәйәсәттән ситләшмәй – Ҡаҙағстандың Хәүефһеҙлек советына етәкселек итәсәк.
Дәүләт башлығы вазифаһын Ҡаҙағстан Парламенты етәксеһе Ҡасым–Жомарт Токаев башҡарасаҡ.