Белорет районында “Полиция һәм балалар” тип аталған иҫкәртеү операцияһы башланды.

Сараның төп маҡсаты – бәлиғ булмағандарҙы хоҡуҡ боҙоу ихтималлығынан һаҡлау, уларҙың һаулығын, күңел торошон хәстәрләү, имен булмаған ғаиләләрҙе асыҡлау.

Мәғлүмәттәргә килгәндә, әле Белорет районы буйынса 116 үҫмер һәм ата-әсәлек бурысын үтәмәгән 168 граждан профилактик иҫәптә тора. Былтыр полиция хеҙмәткәрҙәре хәүефле хәлдә йәшәгән 58 үҫмерҙе асыҡлаған, уларҙың 46-һы – социаль приютҡа, 12-һе район дауаханаһының балалар бүлегенә урынлаштырылған.

Әлеге операцияға ярашлы “хәүеф төркөмө”нә ҡараған ғаиләләр тикшереләсәк, йәштәр күпләп йыйыла торған урындар контролгә алынасаҡ, шулай уҡ уҡыу йорттарында үҫмерҙәр менән лекциялар, әңгәмәләр, осрашыуҙар ойоштороласаҡ.