Республикабыҙҙың 100 йыллығы уңайынан Башҡортостандың Милли музейы 20 мартта “Асыҡ ишектәр көнө” үткәрә.

Нәҡ ошо көндә Башҡорт автономиялы республикаһы булдырыу хаҡында Килешеүгә ҡул ҡуйылған.

Музейға килеүселәр бында 1917 йылғы революцияға, Граждандар һуғышына һәм Башҡортостандың төҙөлөүенә бағышланған яңы экспозиция менән танышасаҡ, билдәле шәхестәрҙең тормошо хаҡында мәғлүмәт аласаҡ.

Милли музейҙа әйтеүҙәренсә, был көндә барлыҡ экспозицияларҙы бушлай ҡарарға мөмкин.