Өфө районы ҡасабаһындағы почта бүлексәһе етәксеһе кассанан аҡса үҙләштерә барған.

Башҡортостан буйынса Тәфтиш комитетынан хәбәр итеүҙәренсә, ҡатынды суд хөкөмө көтә. Һуңғы ревизия 300 мең һум аҡса етмәүен асыҡлаған. Был сумма былтыр марттан быйылғы ғинуарға тиклем почта етәксеһе тарафынан үҙләштерелгән.

44 йәшлек ҡатын ғәйебен таныған. Суд практикаһы күрһәтеүенсә, уға ҙур күләмдә штраф һалынасаҡ, етәксе вазифаһынан китәсәк.