10, 11 июндәге ял көндәре һәм 12 июндәге Рәсәй көнө байрамы айҡанлы республикалағы почта элемтәһе ойошмалары пенсияларҙы һәм башҡа социаль түләүҙәрҙе махсус график буйынса килтерәсәк, тип хәбәр иттеләр Рәсәй Пенсия фондының Башҡортостан буйынса бүлексәһендә.

Өфө, Ағиҙел, Күмертау, Мәләүез, Нефтекама, Октябрьский, Салауат ҡалаларында, Ҡалтасы, Краснокама, Кушнаренко, Көйөргәҙе, Мәләүез, Өфө райондарында 7 июндә — социаль түләүҙәр, 8 июндә пенсия аласаҡтар.
Башҡортостандың башҡа райондары һәм ҡалаларында түләүҙәр 11 июндә буласаҡ. 13 июндән алып пенсия графикка ярашлы таратыласаҡ.