Борай районындағы һунарсылыҡ биләмәһендә пант дауалауын (пант – дарыу алыу өсөн файҙаланылған йәш болан, марал, изюбрҙың ҡатып етмәгән мөгөҙө) үҫтереү күҙаллана. Әле унда 30 марал килтергәндәр.

300 гектар майҙандағы вольерҙа әле 10 ала-сыбар болан һәм 150 ҡабан сусҡаһы аҫрала. Айырым рәүештә йәнә айыу, һеләүһен һәм бурһыҡ тотола. Яҡын арала бында Дағстандан 20 ала-сыбар болан килтерелеүе көтөлә.

Борайҙа пани дауалауы менән бергә экотуризмды үҫтерергә лә уйлайҙар.