Мәләүездең ҡала мәҙәниәт һарайында мәктәп уҡыусылары араһында “Шаяндар һәм тапҡырҙар клубы” (КВН) уйыны үткәрелде. Ул юл-транспорт ваҡиғаларына осрауҙы иҫкәртеүҙе маҡсат итеп ҡуйғайны.

Район хакимиәте башлығы Рөстәм Шәмсетдинов билдәләүенсә, бындай конкурстар юл-транспорт фажиғәләрендә балалар һәм үҫмерҙәр һәләк булыуын, имгәнеүен иҫкәртеү өсөн иң яҡшы ысул булып тора. Сарала республиканың көньяҡ райондарынан 13 команда ҡатнашҡан, тәүге урынды мәләүездәр яуланы.