Башҡортостандың Хеҙмәт һәм халыҡты социаль яҡлау министрлығынан хәбәр итеүҙәренсә, 12 июнь — Рәсәй көнө — байрам һәм ял көнө.
Рәсәй Хөкүмәтенең “2012 йылда ял көндәрен күсереү тураһында”ғы ҡарарына ярашлы, ял көнө шәмбе — 9 июндән дүшәмбе — 11 июнгә күсерелә.
9 июндәге эш ваҡыты бер сәғәткә ҡыҫҡара.
Шулай итеп, биш көнлөк эш аҙнаһында байрамға бәйле Башҡортостанда 10, 11 һәм 12 июнь — ял көндәре.
Рәсәй Федерацияһы Хеҙмәт кодексының 120-се статьяһы нигеҙендә 12 июндәге байрам көнө йыллыҡ төп йәки өҫтәмә отпуск иҫәбенә индерелмәй.