Төбәктең Министрҙар советы рәйесе урынбаҫары Алла Пашкунова балаларҙы ҡаршы алып:
– Барыһы ла әҙер – педагогик коллектив та, медицина базаһы ла. Экскурсоводтар балаларға республика тураһында һөйләйәсәк. Ике аҙна эсендә ҡунаҡтар һаулығын нығытып ҡына ҡалмаясаҡ, Ҡырым хаҡында яҡшы тәьҫораттар ҙа аласаҡ, – тине. Ул самолетта осоуҙың – Башҡортостан, ә сәләмәтләндереүҙең Ҡырым иҫәбенә башҡарылыуын да белдерҙе.
Балалар килеп төшөү менән тәьҫораттары менән уртаҡлашты. Мәҫәлән, Илгинә бында бер тапҡыр ҙа ял итмәгәнен хәбәр итеп, Ҡырымда әле шул тиклем йылы булыуына һоҡланды. Ә Илдар дуҫтары менән бергә килеүен, әммә уларҙың икенсе төркөмгә эләгеүен, диңгеҙҙе һәм тауҙарҙы күрергә ашҡыныуын әйтте.