Ошо көндәрҙә “Баймаҡ урман хужалығы” автопаркы өр-яңы махсус техникалар менән тулыланды: янғын һүндереү өсөн һыу цистернаһы, гидроманипуляторлы “КамАЗ-43118” һәм “МТЗ-82” тракторы.

Етәксе Данил Мазһаров әйтеүенсә, яңы техника эште тағы ла һөҙөмтәлерәк, сифатлыраҡ башҡарыуға этәргес бирә. Урман янғындарын ваҡытында иҫкәртеү һәм һүндереүҙе хәҙер үҙебеҙҙең көс менән атҡарып сығыу мөмкинлегебеҙ бар, ти ул.