Агафья әбей янына барғың килмәйме?12.02.2019
Агафья әбей янына барғың килмәйме?Билдәле Себер дәрүише, ғүмер буйы тайгала яңғыҙы көн күргән Агафья Лыковаға ярҙамсы талап ителә. Әбей хәҙер ныҡ олоғайған.

Социаль селтәрҙә ауыл көнкүрешен күтәрерлек, Хоҙайҙы һәм тәбиғәтте яратҡан көслө ихтыярлы дини ҡатын-ҡыҙҙы эҙләйҙәр, сөнки ҡарурманда утһыҙ, һыуһыҙ, йылылыҡһыҙ йәшәргә һәм яңғыҙаҡҡа хужалыҡта булышлыҡ итергә кәрәк. Был ҡыҙыҡлы иғланды Алтай фотографы Светлана Казина биргән.

Шулай уҡ ярҙамсы ҡатын-ҡыҙ Агафьяның ауыр холоҡло икәнен белергә тейеш. Ул бер үҙе, кешелектән ситтә йәшәргә күнеккән. Әхирәт һәм күрше булыуҙан бигерәк, уның тыңлаусан йомошсоһо сифатын алырға тура киләсәк.

Бынан алдағы ярҙамсы – Надежда Усик – Агафья Лыкова менән биш йыл йәшәгән. Ул бығаса күңел төшөнкөлөгөнә бирелеп, монастырға китергә йыйынған була. Шунан ошо билдәле дәрүиш янына барып эләгә, әммә әсәһенең үтенесе буйынса кире ҡайтырға мәжбүр була.


Вернуться назад