“Уртаса хеҙмәт хаҡын иҫәпләгәндә, уға ниндәй түләүҙәр индерелмәй? Ошо хаҡта аңлатһағыҙ ине.
Ә. Әхтәмов.
Салауат ҡалаһы”.

Рәсәй Хөкүмәте ҡарары менән раҫланған “Уртаса хеҙмәт хаҡын иҫәпләү тәртибе үҙен­сәлектәре тураһында” положениеның 3-сө пунктына ярашлы, уртаса хеҙмәт хаҡын сы­ғарғанда, социаль характерҙағы һәм хеҙ­мәткә түләүгә ҡағылмаған башҡа түләүҙәр иҫәпкә алынмай: юбилей һәм байрам дата­ларына бирелгән бер тапҡыр түләнгән премиялар, акциялар буйынса дивидендтар, вкладтар буйынса проценттар, страховка түләүҙәре, матди ярҙам, туҡланыу, юл йөрөү, уҡыу өсөн түләү һәм башҡалар.