Ғаиләлә сабый тыуғанда атай кешегә 10 көнлөк түләүле ял биреүҙәре ихтимал. Рәсәйҙең Дәүләт Думаһында ошо турала закон проекты әҙерләнә. Илдең хеҙмәт һәм социаль яҡлау министры Максим Топилинға шундай тәҡдим ебәрелгән.

Бөгөнгө ҡануниәт атайҙарҙың хоҡуғын яҡламай тиерлек. Хеҙмәт кодексында балаһы тыуыу сәбәпле ир кешегә иң күбе биш көн түләүһеҙ отпуск бирелә ине.