Баймаҡта февраль башынан ит йәрминкәһе ойошторола башланы. Ул марттың уртаһына тиклем дауам итәсәк. Һатыусыларға урын бушлай бирелә.

Ҡаланыҡылар хәләл ризыҡ алып һөйөнһә, мал тотоусылар хеҙмәтенең емешен татып кинәнә бында. Ә иттең ниндәйе генә юҡ: һум өлөштәрҙән алып һап-һары итеп өтөлөп таҙартылған тояҡтарға тиклем һатып алыу мөмкинлеге бар. Шулай уҡ ҡаҙ, өйрәк, күркә итен халыҡ күпләп һорай.

Бынан тыш, һөт һәм балыҡ ризыҡтары, бал да мул йәрминкәлә.