Учалы үҙәк дауаханаһының хәҙер күсмә фельдшер-акушерлыҡ пункты бар.

Сәләмәтлекте тикшереү, диспансеризация үтеү, беренсе медицина ярҙамы күрһәтеү өсөн кәрәкле ҡорамалдар менән йыһазландырылған “ПАЗ” автобусы райондағы фельдшер-акушерлыҡ пункттары булмаған ауылдар халҡын хеҙмәтләндерәсәк.

Шулай уҡ дауахананың автопаркы яңы биш “Ашығыс ярҙам” машинаһы менән дә тулыланды.