Хәйбулла районында ошо көндәрҙә йәнә ике етемгә фатир асҡыстары тапшырылды: Елена Солдаткинаның – Аҡъярҙа, Артур Шаһивәлиевтең Бүребайҙа үҙ йорттары бар хәҙер!

Район хакимиәте башлығы Раил Ибраһимов бәхетлеләргә фатир асҡыстары тапшырып, киләсәктә уларҙың үҙ ғаиләһен ҡороп, һау-сәләм, әҙәпле, тырыш, белемгә ынтылған балалар үҫтереп йәшәүҙәрен теләне. Иң мөһиме – йортоғоҙ бар, артабанғы тормошоғоҙ үҙегеҙҙең изге ниәт-маҡсаттарығыҙҙан тора, тине ул.