“Башгидрометүҙәк” мәғлүмәттәренә ярашлы, бөгөн республикала аяҙлы-болотло һауа торошо көтөлә. Урыны менән бер аҙ ҡар яуа, һепертмә буран сыға, боҙлауыҡ, юлдарҙың айырым участкаһына көрт һала. Ел көньяҡ-көнбайыштан, көньяҡтан секундына 9-14 метр. Һауа температураһы төндә 13-18, аяҙытҡанда – 20-25, урыны менән 29 градусҡаса, көндөҙ 10-15 градус һалҡын була.

22 ғинуарҙа һауа торошонда әллә ни үҙгәреш көтөлмәй. Ел көнбайыштан талғын. Һауа температураһы төндә 13-18, аяҙытҡанда 23 градусҡа тиклем, көндөҙ иһә 8-13 градус һалҡын булыуы күҙаллана.