Хәйбулла районының Мәмбәт ауылында йәшәгән Нәзим Байғусҡаровты ауылдаштары оҫта балыҡсы һәм һунарсы булараҡ яҡшы белә. Күптән түгел ул Таналыҡ йылғаһынан 15 килограмлыҡ суртан тотҡан!

Балыҡсы ҡатыны Зөлфиә Байғусҡарова ла өлгөр: иренең табышы янында тиҙ генә фотоға төшөп, социаль селтәргә һалды. Ысынлап та, балыҡ тотор ирең барында, ниңә маһайып алмаҫҡа?! Өҫтәүенә ниндәйе эләккән бит әле: әйҙә, күрһен халыҡ мәмбәттәр ҡайһындай табыш алғанын!

Таналыҡтан ҙур суртан эләгеү хаҡында хәбәр йәшен тиҙлегендә таралып, әле бында төрлө тарафтан балыҡсылар килеп етте, тип хәбәр иттеләр Хәйбулла районынан.