“Магнитогорскиҙа бер өлөшө емерелгән йортта йәшәүселәрҙең барыһын да башҡа урындарға күсерергә, яңы торлаҡ табырға кәрәк”, – тип белдерҙе Рәсәй Президенты Владимир Путин.Был күрһәтмә бөгөн, 16 ғинуарҙа, Кремлдә Хөкүмәт ағзалары ҡатнашлығында үткән кәңәшмәлә яңғыраны.
“Ҡала халҡы миңә шундай үтенес менән мөрәжәғәт итте, – тине етәксе. – Экспертиза күрһәтеүенсә, ул йортта йәшәргә мөмкин. Әммә фажиғә ҙур – күп кеше һәләк булды. Халыҡтың борсолоуын аңлайым. Сығымдар ниндәй генә булыуына ҡарамаҫтан, ул йортта торғандарҙың барыһына ла яңы йәшәү урыны табырға кәрәк”.
Президент был эште ҡыҫҡа ваҡытта башҡарып сығырға ҡушты.