Илеш районының Этәй ауылында Яңы йыл байрамы алдынан өр-яңы фельдшер-акушерлыҡ пункты асылды.

Был — Рәсәй һәм Башҡортостан Ауыл хужалығы министрлыҡтары тарафынан тормошҡа ашырылған “Ауыл биләмә­ләренең тотороҡло үҫеше” программа­һына ярашлы төҙөлгән дүртенсе медицина учреждениеһы.

Проекты бик үҙенсәлекле, майҙаны — 72 квадрат метр. Пациенттарҙы ҡабул итеү, процедуралар бүлмәләре бар, ҡаҙанлыҡ эшләй. Бина электр энергияһы менән йылытыла, канализация, йылы һәм һалҡын һыу үткәрелгән, биләмәһе төҙө­ләндерелгән. ФАП төҙөлөшөнә 3,2 миллион һум аҡса бүленгән, шул иҫәптән федераль бюджеттан — 1,6 миллион һум.