– Һуңғы кешенең кәүҙәһе табылды. Эҙләү-ҡотҡарыу эштәре тамам, – тип белдерҙе журналистарға Рәсәй Ғәҙәттән тыш хәлдәр министрының беренсе урынбаҫары Александр Чуприян Магнитогорскиҙағы һәләкәткә бәйле.

Әлегә фажиғәлә 39 кешенең һәләк булғаны билдәле. Һаулыҡ йәһәтенән төрлө кимәлдә зыян күргән бишәү, шул иҫәптән ике бала дауаханала.

Бөгөн, 3 ғинуарҙа, Силәбе өлкәһе губернаторы Борис Дубровский ҡаза күргәндәрҙе, һәләк булғандарҙың туғандарын ҡабул итте. Әлегә 24 кешегә 2,5 миллион һумға торошло матди ярҙам күрһәтелгән.