Яңы йыл алдынан балалар ғына түгел, ҡайһы бер билдәле шәхестәр ҙә Ҡыш бабайға үҙ теләген белдереп хат юллай.

Эстрада йондоҙо Алла Пугачева: “Яңы йыл менән! Беҙ һәм Рәсәйҙең барлыҡ балалары тыныс йәшәргә теләйбеҙ. Һуғыштан, гонаһлы тәкәбберлектән, ялғанлыҡтан азат ит. Һәр ваҡыт булһын әсәй, һәр ваҡыт булһын атай, һәр ваҡыт булһын тыныслыҡ!” – тип мөрәжәғәт иткән.

Әйткәндәй, быйыл йырсы 70 йәшен билдәләй. Һигеҙ йылға һуҙылған “тәнәфес”тән һуң ул, ниһайәт, үҙ концертына йыймаҡсы. Хаҡы 2 мең ярымдан 70 мең һумға тиклем торған билеттар тиҙ арала һатылып бөткән. Шаҡтай өлөш аралашсылар ҡулына эләгеп, бөгөн 150 мең һумға “осорола”.