Республиканың Ғәҙәттән тыш хәлдәр идаралығы халыҡты һауа торошоноң боҙолоуы тураһында иҫкәртә.

Иртәгә кис һәм 27 декабрҙә тәүлек буйы айырым райондарҙа көслө ҡар яуыуы, буран сығыуы көтөлә. Ел секундына 15-20 метрғаса көсәйәсәк. Юлдың айырым участкаларында ҡар һалыуы бар, боҙлауыҡ булыуы ихтимал.

Башҡортостан сигенә циклон яҡынлаша. Ошоға бәйле атмосфера процестары әүҙемләшәсәк. Аҙна аҙағына бындай күренештәр кәмейәсәк тип күҙаллана.