Ишембай ҡалаһының 11-се мәктәбе үҙенең элекке уҡыусыһы Радий Хәбиров менән хаҡлы рәүештә ғорурлана. Хәҙер бында Өфө дәүләт авиация техник университеты филиалы бинаһы урынлашҡан.- Ике йыл элек беҙгә колледжды ҡуштылар һәм бүлмәләрҙә тығыҙ була башланы, - тине филиал директорының уҡыу буйынса урынбаҫары Елена Будник.
- Мин ӨДАТУ ректоры менән осрашҡанда был мәсьәләне күтәрәсәкмен. Мин уҡыған саҡта бында 700 тирәһе бала булдыҡ, ул саҡта уҡ ҡыҫынҡы ине. Уҡыу корпустары өсөн яңы бина кәрәктер ул, - тине Радий Фәрит улы.
Уҡыу йортоноң өсөнсө ҡатында төбәк етәксеһен көтөлмәгән яңылыҡ көткән. Уҡыусыһы менән аралашырға физика һәм башланғыс хәрби әҙерлек уҡытыусылары Әллүрә Сафиуллина менән Әнүәр Шәңгәрәев килгәйне.