Бөгөн Өфөләге “ВДНХ-ЭКСПО” күргәҙмә комплексында IV “Йәш һөнәрмәндәр” (WorldSkills Russia) төбәк чемпионаты асылды. Ярыштар бер ыңғай бер нисә ҡалала – Өфөлә, Стәрлетамаҡта, Салауатта, Октябрьскийҙа, Нефтекамала, Сибайҙа, Бөрөлә, Туймазыла һәм Бәләбәйҙә үтәсәк.


Чемпионатта беҙҙең республиканан тыш, Мәскәү, Липецк, Ҡазан, Ырымбурҙан да студенттар ҡатнаша. 16-22 йәшлек һөнәрмәндәр 53 йүнәлеш буйынса бәйге тотһа, 14-16 йәшлектәр 24 төрлө һөнәрҙә үҙҙәрен һынаясаҡ.

17 декабргә тиклем дауам итәсәк сарала 500-ҙән ашыу йәш һөнәрмән төҙөлөш һәм төҙөлөш технологиялары, мәғлүмәти һәм коммуникацион технологиялар, ижад һәм дизайн, производство һәм инженер технологиялары, хеҙмәттәр күрһәтеү, транспорт һәм логистика тармаҡтарында үҙҙәрен һынап ҡараясаҡ.