Ошо көндәрҙә Өфөлә муниципаль предприятиелар өсөн техника тапшырылды. Коммуналь хеҙмәттәр паркы “КамАЗ” маркалы 14 махсус автомобиль менән тулыланды.

— Өфө урамдарын сифатлыраҡ хеҙмәтләндереү өсөн коммуналь техника йыл һайын яңыртылырға тейеш. Был йәһәттән Башҡортостан Башлығы вазифаһын ваҡытлыса башҡарыусы Радий Хәбиров тарафынан ҙур ярҙам күрһәтелде. 15 декабргә тиклем ҡала ҡар таҙартыусы махсус техниканың ҡалған өлөшөн аласаҡ, — тине баш ҡала хакимиәте башлығының беренсе урынбаҫары Салауат Хөсәйенов.

Мәғлүм булыуынса, тиҙҙән Өфөләге коммуналь хеҙмәттәр автопаркы 39 берәмек техника менән тулыланасаҡ. Улар иҫәбенә үҙбушатҡыстар, автогрейдерҙар, тейәгестәр инә.