Иң күп тәмәке тартҡан кешеләр йәшәгән төбәкте социологик тикшеренеүҙәр һөҙөмтәһендә асыҡлағандар. Һорау алыуҙа Рәсәйҙең 20 ҡалаһынан 2,6 мең кеше ҡатнашҡан.

Рейтингтың тәүге баҫҡысын Брянск ҡалаһы “яулаған”. Икенсе урында — Мәскәү. “Лидер”ҙар өс тағанын Краснодар ҡалаһы тулыландыра. Артабан исемлекте Волгоград һәм Иванов ҡалалары дауам итә. Тәүге тиҫтәгә шулай уҡ Силәбе, Дондағы Ростов, Воронеж, Пермь һәм Тамбов ингән. Ә Өфө ҡалаһы исемлектең ҡайһы баҫҡысында икән — быны асыҡлап булманы. Әллә беҙҙә тәмәке тартыу моданан сыҡтымы икән? Улай булһа, шатланырға ғына кәрәк, бындай рейтингта алдынғылыҡ беҙҙе һис тә биҙәмәҫ.