Баҡалы районында Яңы йыл байрамын ҡаршылау алдынан төрлө ҡыҙыҡлы конкурстар, ярыштар ойоштороу йолаһы бар.

Быйыл иң яҡшы ҡар ҡалаһы һәм скульптураһына ауыл биләмәләре араһында конкурс иғлан ителде. Ә предприятие һәм ойошмалар үҙҙәренең биналарын һәм биләмәләрен байрамса биҙәү оҫталығында көс һынашасаҡ. Тәүге өс приздың хужаһы 24 декабрҙән 28-енә тиклем билдәләнәсәк.

Еңеүселәрҙе ҡиммәтле бүләктәр һәм дипломдар көтә. Бөтә был ҡыҙыҡлы конкурстарҙы үткәреүҙе район хакимиәте үҙ өҫтөнә алған.