“Ғаилә” төньяҡ-көнбайыш район-ара үҙәгенең Нефтекама ҡалаһындағы бүлексәһендә “Ғаилә уйындары” тип аталған үҙенсәлекле сара уҙҙы.

Ял көндәрендә төрлө ғаиләләрҙең үҙ-аралашыуына булышлыҡ итеүҙе маҡсат итеп ҡуйған сарала ололар ҙа, балалар ҙа теләп ҡатнашты. Үҙәк белгестәре “Ғаилә ҡиммәттәре”, “Балалар һәм ата-әсә мөнәсәбәттәре” тигән темалар буйынса шәхсән ҡабул итеү һәм консультациялар ойошторҙо.

Ғаилә ялында ҡатнашыусылар шахмат, шашка турнирында таһыллығын һынаны, хәрәкәтсән уйын төрҙәрендә ярышты, балалар әүәләү, һүрәт төшөрөү буйынса оҫталығын камиллаштырҙы.