Кушнаренко ауылында канализацияны таҙартыу ҡоролмалары селтәре төҙөлә. Төҙөлөш-монтаж эштәренә тендер дәүләт һатып алыуҙары сайтында баҫылып сыҡҡан.

Килешеүҙең иң ҙур хаҡы – 183,1 миллион һум. Эште республика ҡаҙнаһынан бү­ленгән субвенциялар иҫәбенә башҡа­рыу күҙаллана. Аукционда ҡатнашыуға ғари­залар 29 ноябргә тиклем ҡабул ителеп, сара үҙе 3 декабрҙә уҙғарыла.

Подрядсыға эште өс этапта башҡа­рырға тура киләсәк. Тәүгеһе – килешеү төҙөлгән мәлдән 25 декабргә тиклем, икенсеһе – киләһе йылдың 1 ғинуарынан 15 декабренә тиклем, өсөнсө этап 2020 йылдың 1 ғинуарынан 15 декабренә тиклем дауам итәсәк.