Рәсәйҙә балаларға өҫтәмә белем биреү өлкәһенә 100 йыл тулыуҙы әлшәйҙәр матур саралар һәм уңыштар менән ҡаршыланы.
Районда өҫтәмә белем биреү менән Пионерҙар йорто, Балалар сәнғәт һәм үҫмерҙәр-спорт мәктәптәре, “Бейеклек” клубы шөғөлләнә. Һәләтле педагогтар тәрбиәләгән балаларҙың төрлө кимәлдәге конкурстарҙа еңеүе ҙур ғорурлыҡ тойғоһо уята. Ат-спорт мәктәбе лә, башҡа балалар учреждениелары кеүек, яңы тәрбиәләнеүселәрен ҡолас йәйеп, шатланып ҡаршы ала һәм моңһоуланып оҙата.
Юбилей тантанаһына арналған сарала балаларҙың спорт, робот техникаһы, авиамоделизм, фотоға төшөрөү буйынса мауыҡтырғыс эштәре, наградалары менән танышырға мөмкин булды. Матур сара өҫтәмә белем биреү учреждениелары коллективтарының йөкмәткеле концерты менән тамамланды.