Баш ҡаланың Зәки Вәлиди һәм Гоголь урамдары сатында билдәһеҙ кешеләрҙең ҡәберлеге табылған. Уға Башҡорт дәүләт университеты студенттары яңы ятаҡ төҙөлөшө алдынан барған ҡаҙыныу эштәре ваҡытында юлыҡҡан.

Әле археологтар ерләнгән мәрхүмдәрҙең һөйәктәрен йыя. Улар палеогенетик экспертизаға ебәреләсәк. Тикшереү кеше һөлдәләренең кемдеке - ҡатындыҡымы, ирҙекеме, уларҙың туғанмы-юҡмы икәнен күрһәтәсәк.