Башҡортостандың элекке Президенты Мортаза Рәхимовтың “Урал” хәйриә фонды ноябрҙән Өфөләге “Әр-Рәхим” мәсете төҙөлөшөн финанслауҙы яңыртасаҡ. Объект төҙөлөшөн тамамлау өсөн биш-алты миллиард һум аҡса кәрәк.

Мәсет төҙөлөшө 2007 йылда башланғайны. Әле ул туҡтап ҡалды. Башҡортостандағы өс традицион конфессия башлыҡтары объектты файҙаланыуға тапшырыуҙа ярҙам һорап республиканың яңы етәкселегенә мөрәжәғәт итте.