Тиҙҙән Туймазы районының Яңы Бишенде ауылында өр-яңы мәҙәниәт йорто үҙ ишектәрен асасаҡ.

Клуб хәйриә саралары ярҙамында сафҡа индерелә: уны ауылдаштары өсөн эшҡыуар, “Альтернатива” ойошмаһы етәксеһе Раил Фәхретдинов төҙөткән.

Бинала шулай уҡ фельдшер-акушерлыҡ пункты ла урынлашасаҡ. Әлеге ваҡытта объектта эске биҙәү эштәре тамамланыу өҫтөндә, тирә-яҡ тәртипкә килтерелә.