Республика Башлығы Рөстәм Хәмитов 2018 йылға әҙәбиәт, сәнғәт һәм архитектура өлкәһендәге Салауат Юлаев исемендәге дәүләт премияларын тапшырыу тураһындағы Указға ҡул ҡуйҙы.

Быйыл премияға “Ағиҙел” журналының бүлек мөхәррире, яҙыусы Салауат Әбүзәров, З. Исмәғилев исемендәге Өфө дәүләт сәнғәт институтының кафедра мөдире, композитор Ләйлә Исмәғилева менән Дәүләт Кремль һарайының “Кремль балеты” театры художество етәксеһе, баш балетмейстеры Андрей Петров, З. Исмәғилев исемендәге Өфө дәүләт сәнғәт институты профессоры, рәссам Рифғәт Арыҫланов лайыҡ булды.