15 октябрҙә Башҡортостандың Йәмәғәт палатаһы Өфө аэропортына яңы исем биреү буйынса тауыш биреү ойоштора. Ошо көндәрҙә Рәсәйҙең Йәмәғәт палатаһында “Рәсәйҙең бөйөк исемдәре” проекты менән таныштырҙылар.

“Рәсәйҙең бөйөк исемдәре” проекты — йәмәғәт башланғысы. Уны Рус география йәмғиәте, Рәсәй тарихи йәмғиәте, Рус теле йәмғиәте, Рәсәй хәрби-тарихи йәмғиәте тәҡдим иткәйне.

Тауыш биреү сараһынан һуң 45 аэровокзалға исем биреү күҙаллана. Өфө аэропортына Салауат Юлаев, Сергей Довлатов, Мостай Кәрим, Рудольф Нуриев, Сергей Аксаков, Федор Шаляпин, Муса Гәрәев исеме бирелеүе ихтимал.