“Башҡортостандың иң яҡшы педагогик династияһы” республика конкурсы үтте. Унда 77 уҡытыусылар династияһы көс һынашты.

Йәрмәкәй районы данын яҡлаған Шайғановтар ғаиләһенән Фәхерниса инәй һуғыш йылдарында Йәрмәкәй ауылында балалар баҡсаһы мөдире булған, ә иң йәше Айгөл Шайғанова – бөгөн Октябрьский ҡалаһының “Йондоҙсоҡ” балалар баҡсаһында тәрбиәсе. Ғөмүмән, был уҡытыусылар династияһының педагогик дөйөм стажы – 150 йыл! Конкурстың “Йөрәгемде кескәйҙәргә илтәм!” номинацияһында Шайғановтар II урынды яуланы.