Башҡортостанда киҙеүҙе иҫкәртеү маҡсатында халыҡҡа прививка эшләү кампанияһы дауам итә.

“Роспотребнадзор”ҙың Баш­ҡорт­остан буйынса бүлексәһе етәксеһе вазифаһын баш­ҡарыусы Зөһрә Шаһиева әйтеүенсә, бөгөнгә республикала 635 меңдән ашыу кеше прививка яһатҡан, йәки тө­бәктәге халыҡ һанынан 15,6 проценты. Шул иҫәптән федераль бюджет иҫәбенә 633,9 мең кешегә прививка яһалған, уларҙың 487 меңе — өлкәндәр, 146 меңе — балалар.

Алдағы эпидемик миҙгелдә Башҡортостанда 1,6 миллион кешегә, шул иҫәптән 350 мең балаға киҙеүгә ҡаршы прививка яһау күҙаллана.
Билдәле булыуынса, хроник сирле балаларға, йөклө ҡатын-ҡыҙға, 60 йәштән өлкәндәргә, хәрби хеҙмәт йәшендәгеләргә, медицина, мәғариф хеҙмәт­кәрҙәренә прививка федераль ҡаҙна иҫәбенә эшләнә.

Вакцинация мәсьәләләре буйынса “Роспотреб­надзор”­ҙың “ҡыҙыу бәйләнеш” телефонына шылтыратырға мөмкин: 8-800-700-90-30.