Ошо ялдарҙа Өфөлә ауыл хужалығы йәрминкәләре үтәсәк. Республика райондары крәҫтиән (фермер) хужалыҡтары һәм предприятиелары ҡала халҡына үҙҙәре етештергән йәшелсә-емеш һәм башҡа продукцияны алып киләсәк. Һауа торошо йылы булғанлыҡтан, ит һәм һөт һатыу ҡаралмаған. Сауҙа иртәнге сәғәт 10-дан көндөҙгө 4-кә тиклем барасаҡ.

Шәмбе, йәғни 6 октябрҙә, йәрминкә Дим биҫтәһенең Дағстан урамында урынлашҡан “Магнит” гипермаркеты алдында, Черниковка биҫтәһендә – Интернационал һәм Машина эшләүселәр урамдары киҫелешендә һәм Беренсе Май урамындағы 14-се йорт янында, Инорс биҫтәһендә – Мушников урамындағы 11-се йорт тапҡырында, Телеүҙәк яғында – Солтанов урамындағы 2-се йорт эргәһендә, Затонда – “Тулҡын” скверы, Йәшел сауҡалыҡта Эшсе хәбәрселәр урамындағы 3-сө һәм 5-се йорттар тәңгәлендә, Спорт һәм Йәштәр һарайы алдында ойошторола.

Йәкшәмбе йәрминкәләр Черниковка, Инорс һәм Йәшел сауҡалыҡта дауам итәсәк.