“ХэдХантер” компанияһы эксперттары Башҡортостанда ниндәй һөнәр эйәләренә эш табыуы ауырыраҡ икәнен асыҡлаған.

Баҡтиһәң, автомобиль бизнесы, эшсе көстәр, компьютер хеҙмәтләндереүе, страховкалау, консультация биреү өлкәләрендә мәшғүллек мәсьәләһе киҫкен түгел. Уларҙа уртаса хеҙмәт хаҡы – 27-40 мең һум. Ә бына тәбиғи байлыҡ сығарыу тармағында конкурентлыҡ көслө. Эш хаҡы 60 мең һум тирәһе тәшкил итә.

Волга буйы федераль округында Ырымбур өлкәһендә эш табыуы иң ҡыйыны булһа, Удмуртияла – иң еңеле. Башҡортостан был исемлектә өсөнсө урында тора, бер вакансияға 5,4 резюме тура килә.