Яҡын арала пенсия ҡануниәтенә үҙгәрештәр индереү көтөлә. 24 сентябрҙә Рәсәй Дәүләт Думаһы депутаттары закон проектын икенсе уҡыуҙа ҡараясаҡ.

Ҡатын-ҡыҙҙарға ла, ир-егеттәргә лә пенсияға сығыу йәшен күтәреү күҙаллана. Ләкин кемгәлер яңы ҡанун ҡағылмаясаҡ. Улар:

- бығаса пенсия алған кешеләр

- хәүефле һәм зыянлы производствола эшләгән граждандар

- ҡала транспортын даими йөрөтөүселәр

- граждандар авиацияһы летчиктары һәм осоуҙың техник хәүефһеҙлеген тәьмин итеүсе инженерҙар

- 1-се төркөм инвалидтары

- биш һәм унан күберәк бала табып, уларҙы һигеҙ йәшкә тиклем тәрбиәләгән әсәләр

- Алыҫ Төньяҡта йәшәгән ике һәм унан күберәк бала тапҡан әсәләр

- тыумыштан инвалид баланың ата-әсәһе

- техноген һәләкәттәр ваҡытында сәләмәтлеген юғалтҡан кешеләр