Рәсәй халҡының дүрттән өс өлөшө мәктәптә дәрестәр барғанда смартфон һәм башҡа гаджеттар ҡулланыуҙы тыйыу идеяһын яҡлап сыҡты.

Был хаҡта Бөтә Рәсәй йәмәғәт фекерен өйрәнеү үҙәге хәбәр итә. Күпселек (83%) телефондарҙың уҡыуға ҡамасаулауын билдәләй.

Респонденттарҙың өстән ике өлөшө тыйыу уҡыусыларҙың барыһына ла ҡағылырға тейеш, тип иҫәпләй. Шул уҡ ваҡытта һорау алыуҙа ҡатнашыусыларҙың 17 проценты гаджеттар ҡулланыуҙы тыйыуҙың һөҙөмтәһе булырына икеләнә.