Борай ауылында 95 урынлыҡ балалар баҡсаһы төҙөлә. Ул “Башҡортостандың 100 йыллығына – 100 объект” исемлегенә инә.

Әле бында нигеҙ плиталары һәм блоктары һалынған, техник ҡаттарҙы һалыу бара. Сентябрь башында бинаның беренсе ҡаты төҙөлә башлаясаҡ. Объект балалар баҡсаһын, газ ҡаҙанлығын, трансформатор ярҙамсы станцияһын, дизелле электр станцияһын, ике янғын һүндереү резервуарын үҙ эсенә аласаҡ. Бынан тыш, инженерлыҡ селтәрҙәрен үткәреү, биләмәне төҙөкләндереү күҙаллана. Объектты киләһе уҡыу йылына файҙаланыуға тапшырыу планлаштырыла.